Montolivo pranë rikthimit për Milanin
Mesfushori i Milanit, Riccardo Montolivo, pritet që të kthehet së shpejti në fushë për Rossonerët, por ai nuk do të luajë në ndeshjen e ardhshme.
Montolivo pësoi një lëndim në fitoren prej 3-1 ndaj Bolognas dhe që nga ajo kohë ka punuar në rikuperimin e tij.
“Po ndihem më mirë tani dhe dua të kthehem. Jam i kënaqur, sepse lëndimi nuk është aq i rëndë sa është pritur. Tani duhet të vlerësojmë situatën me stafin mjekësor dhe të presim momentin e duhur për të vazhduar me stërvitjet”, ka theksuar Montolivo.
Milani është duke u përgatitur për ndeshjen në San Siro ndaj Atalantas të shtunën mbrëma.
