Moratti i befasuar me formën e Handanovicit

21:13 / 25.02.2013

Presidenti i Interit, Massimo Moratti, e ka pranuar se është i befasuar me paraqitjet e jashtëzakonshme të portierit Samir Handanovic.

“Më duhet të them me shumë sinqeritet se ai po shfaq paraqitje përtej pritjeve. Ndonjëherë bën pritje që janë të jashtëzakonshme. Ai bëri një pritje të tillë mbrëmë. Jemi shumë të kënaqur me të”, ka deklaruar shefi i Nerazzurrëve.

Sa i përket derbit, Moratti tha se nuk e kishte parë Milanin të luante kaq mirë qe një kohë të gjatë, por ekipi i tij u përgjigj më së miri për të barazuar rezultatin.

“Nuk mendoj se Milani ka luajtur ndonjëherë më mirë këtë sezon, siç luajtën dje (e diel). Ata ishin shumë të shpejtë. Por ne u rikthyem në pjesën e dytë”.

“Stramaccioni bëri punë të mirë. Ai edhe lojtarët reaguan mirë që nuk u dorëzuan në një ndeshje që psikologjikisht kishte marrë kah të keq”, ka thënë Moratti. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.