Mourinho: Adan më i mirë se Casillas - nuk largohem
Trajneri i Real Madridit, Jose Mourinho, ka mbrojtur vendimin e tij për të lënë në pankinë kapitenin legjendar, Iker Casillas, për të vendosur që në portë të lë portierin Antonio Adan në disfatën ndaj Malagas. Shumë pikëpyetje u ngritën para ndeshjes ndaj Malagas, kur të gjithë kishin parë formacionin zyrtar, ku në portë figuronte Adan, dhe në stol Casillas. Askush nuk e di arsyen pse ndodhi kjo, por këtë e di Mourinho.
“Ishte vendim teknik. Është trajneri ai që analizon situatën dhe lojtarët në dispozicion, ndërsa trajneri e zgjedh edhe formacionin”.
“Është një vendim i pastërt teknik. Ju mund të zbuloni tregime të ndryshme, por është një vendim teknik, asgjë më shumë. Mendimi imi vlen dhe jo i të tjerëve. Për mendimin tim, Adan është më i mirë se sa Iker Casillas për momentin. Pasi unë jam ai që vndosi dhe pasi unë kam si valide vetëm mendimet e asistentëve, ne vendosëm që Adan të jetë në portë”, ka theksuar Mourinho.
Mourinho është thënë se është i pakënaqur në Bernabeu dhe se po mendon të largohet, por ai i ka hedhur poshtë këto sugjerime.
“Unë nuk po e konsideroj të largimin, nuk brengosem për punën time. Pushimi dimëror vjen në një moment ideal . Lojtarët janë të pikëlluar dhe pa energji. Të humbasësh dhemb, por sidomos dhemb kur nuk jepni më të mirën. I thashë lojtarëve që të shkojnë me pikëllimin e humbjes, por kanë të drejtë të relaksohen, sepse dhanë më të mirën”, përfundoi portugezi. /Telegrafi/
