Mourinho nuk ka asgjë personale me Casillasin

20:27 / 26.12.2012

Ish-portieri i Real Madridit, Paco Buyo, insiston se Jose Mourinho nuk ka asgjë personale me Iker Casillasin dhe se lojtarët e Los Blancos, në përgjithësi, nuk janë në nivelin e tyre.

“Refuzoj të mendoj që Mourinho ka diçka personale me Casillasin”.

“Nëse ne i shikojmë paraqitjet e fundit të ekipit, do të shohim se shumica e lojtarëve nuk janë në nivelin e tyre, siç presin drejtuesit e klubit dhe tifozët. Diçka nuk është në rregull”.

“Nuk do të ishte korrekte ta drejtonim të gjithë gishtin kah Ikeri për zëvendësimin ndaj Malagas. Unë nuk dua të them emra por ka shumë lojtarë të cilët nuk janë në formë”, ka thënë Buyo për Marca. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.