Nadal në finale të Indian Wells
Rafael Nadal ka siguruar finalen e ATP turneut Indian Wells, pas fitores prej 2-0 në sete kundër Tomas Berdych.Tenisti spanjoll është kthyer nga lëndimi në mënyrën më të mirë dhe serisë së fitoreve ia shtoi edhe triumfin në gjysmëfinale, 6-4 dhe 7-5, kundër tenistit çek.
“Finalja? Nuk mund të dua më shumë se kaq. Jam shumë i gëzuar. Edhe për mënyrën e lojës edhe për mënyrën si më reagon gjuri (i lënduar). Jam i lumtur”, ka deklaruar Nadal pas përballjes që zgjati një orë e 43 minuta.
Në finale, 26-vjeçari do ta presë fituesin nga dueli Djokovic - Del Potro. /Telegrafi/
