Napoli nuk lejon befasi, Juve në kërkim të rekordit

22:46 / 8.05.2013

Me rezultat 3-0, Napoli ka fituar si mysafir i Bolognas duke siguruar kualifikimin direkt në Ligën e Kampionëve.

Të tre golat e mysafirëve u shënuan në pjesën e dytë. Marek Hamsik e zhbllokoi rezultatin falë asistimit të Xhemailit (53’).

Edinson Cavani e dyfishoi epërsinë nga penaltia (63’), ndërsa Blerim Xhemaili vendosi rezultatin përfundimtar (67’).

Nga ana tjetër, kampioni i porsashpallur, Juventus, e ka mposhtur Atalantan me një gol të Alessandro Matrit (18’), për ta thyer rekordin e pikëve nga sezoni i kaluar (84 pikë).

Aktualisht, Zonja e Vjetër numëron 86 pikë dhe nëse i fiton dy ndeshjet e mbetura do ta thyejë rekordin e klubit për numrin e pikëve të fituara brenda një sezoni në Serie A. (Rekordi i përgjithshëm i Juventusit për pikë të fituara brenda një sezoni është 91 pikë, ndërsa nëse i fiton dy ndeshjet e mbetura do të arrijë kuotën e 92 pikëve). /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.