NBA: Clippers mposhtin Knicksat
Rezervat Jamal Crawford dhe Eric Bledsoe kanë udhëhequr Los Angeles Clippers gjatë një serie shënimesh në çerekun e katërt për t’ia siguruar fitoren 102-88 ndaj New York Knicks në betejën në mes të liderëve të divizioneve. Fitorja ka çuar në 36 numrin e fitoreve të liderit të Paqësorit, Los Angeles Clippers, pasi skuadra kishte pësuar tetë herë në 11 ndeshjet e fundit si pasojë e lëndimeve.
Lideri i Divizionit Atlantik, New York Knicks, që kishte pasur një raport 19 fitore dhe 6 disfata në Madison Square Garden këtë sezon, pësoi edhe disfatën e shtatë para publikut të vet, dhe të 17-tën këtë sezon (32 fitore).
Carmelo Anthony shënoi 42 pikë për njujorkezët. Crawford përfundoi takimin me 27 pikë për Clippers ndërsa Bledsoe 13 pikë. Chris Paul shtoi 25 dhe Blake Griffin 17 të tjera për skuadrën vendase. /Telegrafi/
