NBA: Lakers vazhdojnë të vuajnë

13:07 / 21.01.2013

Los Angeles Lakers nuk po arrin ta stabilizojnë veten në këtë edicion të NBA-së, pasi skuadra amerikane mbrëmë u mposht nga kanadezët e Toronto Raptros me rezultat 108-103.

Me përforcimet e reja si Steve Nash dhe Dwight Howard, Lakers krijuan superekipin më të ri të NBA-së, duke premtuar një ekip të periudhës së paharrueshme 1979-1989 me të famshmit Magic Johnson dhe Kareem Abdul-Jabbar.

Por sezoni nuk ka shkuar sipas skenarit dhe Lakers tash kanë pësuar pesë herë radhazi në udhëtim (17 fitore dhe 23 disfata këtë sezon), pasi u mposhtën edhe në fushë të Torontos, që ka dy fitore më pak (15 fitore, 23 disfata).

Kobe Bryant ishte më i mirë në takimin e mbrëmshëm duke shënuar 26 pikë për Lakers, derisa Nash shënoi 16. /Telegrafi/

 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.