NBA: LeBron me rekord të ri shënimesh
Forma e mirë e shënimeve të LeBron James e ka çuar atë drejt rekordit të ri gjatë të martës, pasi ai u bë lojtari i parë i NBA-së që ka shënuar mbi 30 pikë dhe mbi 60 për qind të shënimeve në gjashtë ndeshje radhazi.James shënoi 30 pikë, nëntë asistime dhe gjashtë kërcime, për të udhëhequr Miami Heat drejt fitores 117-104 ndaj Portland Trail Blazers në takimin e mbrëmshëm.
MVP i trefishtë i ligës, shënoi në 11 nga 15 tentimet për gjuajtje për të arritur një saktësi të jashtëzakonshme prej 71 për qind në gjashtë ndeshjet e fundit.
Vetëm Adrian Dantley dhe Moses Malone më herët kishin arritur 30 pikë dhe 60 për qind saktësi në pesë ndeshje radhazi.
Paraqitja e James ndihmoi Heat të shënojnë fitoren e 35-të të sezonit dhe ta forcojnë kreun e Konferencës Lindore me tre ndeshje epërsi. /Telegrafi/
