NBA: Pesë fitore radhazi për Celtics

11:59 / 7.02.2013

Kevin Garnett ka shënuar pikët më të larta të sezonit, 27, për të ndihmuar Boston Celtics të shënojë fitoren e pestë radhazi duke mposhtur Toronto Raptors me rezultat 99-95.

Celtics, të cilët pritej të dështonin në mungesë të Rajon Rando, i cili është jashtë fushe për shkak të një lëndimi, në fakt po kalojnë një seri të pandalshme, me pesë fitore radhazi që kur basketbollisti i All-Star është lënduar.

Veç Garnett, që shkëlqeu mbrëmë, pikë dyshifrore për Celtics (25 fitore dhe 23 disfata këtë sezon) shënuan edhe pesë lojtarë të tjerë, përshirë Courtney Lee me15 pikë, Leanadro Barbosa me 14 dhe Paul Pierce me 12 pikë dhe 11 kërcime.

Rudy Gay ishte më i mirë te Raptors (17 fitore dhe 32 disfata) me 25 pikë dhe 12 kërcime. /Telegrafi/

 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.