Në pritje të shortit të Ligës së Kampionëve

9:13 / 20.12.2012

Vëmendjae e futbolldashësve ditën e sotme (e enjte) do të jetë e fokusuar në Nyon të Zvicrës, ku do të tërhiqet shorti për përballjet e 1/8 së finales të Ligës së Kampionëve.

Real Madridi, Milani, Bayern Munichu, Barcelona, Manchester Unitedi, Juventusi, Borussia Dortmundi, Porto dhe Celticu – janë klube që e kanë fituar trofeun në të kaluarën dhe dëshirojnë ta përjetojnë sërish, ndërkohë që Paris Saint-Germaini, Arsenali, Shakhtar Donetsku, Valencia, Malaga, Galatasaray dhe Schalke – janë klube që do të dëshironin që ta shkruajnë historinë.

Tetë fituesit e grupeve do të luajnë kundër tetë skuadrave që përfunduan në vend të dytë. Në këtë fazë, klubet nga shtetet e njëjta nuk mund të luajnë kundër njëri-tjetrit.

Interesante është se Real Madridi, Milani dhe Arsenali kanë zënë vendet e dyta në grupet e tyre dhe do të luajnë kundër ekipeve nga pozitat e para. P.sh. Nëntëherë kampioni Real mund të zgjidhet të luajë kundër Bayern Munichut apo Manchester Unitedit, derisa shtatëherë kampioni Milan mund ta ketë kundërshtar Barcelonën ose Borussia Dortmundin.

Ndeshjet e para të 1/8 së finales do të zhvillohen në shkurt (12/13 dhe 19/20), kurse ato kthyese në muajin mars (5/6 dhe 12/13). /Telegrafi/

Fituesit e grupeve

 Pozita e dytë

PSG

Porto

Schalke

Arsenal

Malaga

Milan

Dortmund

Real Madrid

Juventus

Shakhtar

Bayern

Valencia

Barcelona

Celtic

Man. United

Galatasaray

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.