Neymar: Anglia nuk është e fortë

23:34 / 5.02.2013

Sulmuesi i Brazilit, Neymar, ka deklaruar para miqësores ndaj Anglisë se nuk e sheh kombëtaren ishullore si një prej pretendentëve serioz për Botërorin, Brazili 2014.

Sulmuesi i Santosit që e feston sot ditëlindjen ashtu sikurse Cristiano Ronaldo, nuk beson se Anglia ka potencial për t’i bërë konkurrencë ekipeve si Brazili apo Spanja.

“Anglia është ekip i mirë me lojtarë shumë të mirë, por nuk i shoh ata si rivalë për ne në Botërorin e radhës”.

“Ata kanë lojtarë të mirë, por mendoni se ata janë sikur Spanja dhe Argjentina? Unë jo. Mendoj se ata varen nga Rooney”.

“Te Brazili kemi shumë lojtarë që mund ta fitojnë një ndeshje. Te Argjentina njëjtë, nëse jo Messi, ata e kanë Agueron dhe Tevezin, kurse te Spanja janë Xavi, Iniesta dhe Villa. Pos Rooneyt, nuk shoh ndonjë lojtar tjetër që mund të vendosë një ndeshje te Anglia”, ka thënë Neymar për Daily Mail. /Telegrafi/

 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.