Oezil: Barca e mirë, por ne jemi në formë

13:59 / 30.01.2013

Mesfushori i Real Madridit, Mesut Oezil, në prag të El Classicos së parë të këtij viti, thotë se edhe pse Barca është e fortë, skuadra e tij është në formë të mirë.

“E dimë se Barcelona është ekip shumë i fortë, me lojtarë të mirë, por është më mirë që ne të fokusohemi në ekipin tonë. Jemi në formë të mirë dhe do të luajmë para tifozëve tanë”.

“Qëllimi jonë është ta fitojmë ndeshjen, t’i shpërblejmë tifozët dhe të mundohemi të kualifikohemi në finale”, ka thënë ai.

Mesfushori gjerman ka folur edhe për Cristiano Ronaldon, të cilin e ka vlerësuar ndër më të mirët në botë.

“Ronaldo është njëri prej më të mirëve në botë dhe ai e ka treguar se sa i rëndësishëm është për ne. Por nuk ka të bëjë vetëm me Cristianon apo ndonjë lojtarë tjetër. Duhet të punojmë si ekip që të kemi sukses”, ka thënë Oezil për Marca./Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.