Pellegrini: Fitorja ndaj Realit mbyll një vit shumë të mirë
Kryetrajneri i Malagas, Manuel Pellegrini, ka qenë në disponim të mirë pas fitores ndaj Real Madridit me rezultat 3-2 të shtunën mbrëma. “Është kënaqësi të mbaroni vitin në këtë mënyrë, pasi kemi qenë të mirë në Ligën e Kampionëve, duke përfunduar fazën grupore pa humbje”.
“Është mirë që u kemi dhuruar tifozëve kënaqësinë e të mposhturit Real Madridin. Shpresoj se problemet jashtë fushës të zgjidhen dhe se ne të luftojmë edhe këtë vit për trofeun e Ligës së Kampionëve dhe për ndonjë vend në garat evropiane në fund të sezonit”, ka deklaruar Pellegrini. /Telegrafi/
