Piazon huazohet te Malaga
Mesfushori ofensiv i Chelseat, Lucas Piazon, do t’i bashkohet Malagas deri në fund të sezonit – ka konfirmuar Rafael Benitez.18-vjeçari nënshkroi për Blutë në vitin 2011, ndërsa meqë mundësitë për të luajtur në formacionin bazë janë shumë të vogla, ai do të kalojë te klubi spanjoll.
Lojtari i ri do të përpiqet që të përfitojë eksperiencë nën drejtimin e Manuel Pellegrinit.
Malaga aktualisht është në vend të pestë në La Liga, ndërsa merr pjesë edhe në Ligën e Kampionëve, ku do të ketë punë me Porton në 1/8 e finales. /Telegrafi/
