Pique: Gjyshi më ka mësuar si të jem barcelonist

21:14 / 21.12.2012

Mbrojtësi i Barcelonës, Gerard Pique, e ka falënderuar gjyshin e tij që ia ka mësuar parimet e të qenit tifoz i Blaugranëve që në fëmijëri.

25-vjeçari ka kaluar gjithë karrierën në Camp Nou, përveç disa huazimeve të shkurta te Manchester Unitedi dhe Zaragoza.

Spanjolli ishte bërë pjesëtar i klubit nga gjyshi i tij, Amador Bernabeu, i cili ka qenë anëtar i bordit dhe zëvendëspresident i Barcës.

“Është e vërtetë që gjyshi im dhe prindërit e mi ma kanë bërë të qartë se çfarë do të thotë të jesh tifoz, si të jesh një barcelonist, dhe jam shumë krenar për këtë”.

“Ishte ideja e gjyshit tim. Ai ishte në bordin e drejtorëve të Barcelonës dhe që nga fillimi donte të më bëjë një barcelonist”, ka treguar Pique për Uefa.com. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.