Piris: Roma mund ta fitojë titullin
Përforcimi i fundit i Romës, Ivan Piris, beson se klubi i tij i ri ka kualitete për të luftuar për titullin e Serie A këtë sezon.“Tash jam këtu dhe i gatshëm për një aventurë të re në një ligë të re. Dua t’ia dal mirë. Jam i lumtur që jam këtu dhe mendoj se me skuadrën e shkëlqyeshme që kemi, ne kemi shans të mirë të fitojmë diçka”, ka thënë Piris.
Paraguaiani është impresionuar nga struktura e skuadrës dhe shpreson të arrijë standardet lojtarëve të tjerë të skuadrës.
“Totti është njeriu identifikues i Romës – ai është një prej lojtarëve më të mirë që kam parë në fushë. Pastaj është i riu shumë premtues Lamela dhe një lojtar me shumë përvojë si Burdisso, të cilët të dy janë amerikano-jugor si unë. Është nder për mua të stërvitem me to dhe shpresoj të luaj krahas tyre”, ka thënë më tej mbrojtësi. /Telegrafi/
