Porto-Real, është finalja e ëndrrave të Pepes
Mbrojtësi i Real Madridit, Pepe, do të dëshironte që të luajë kundër ish-klubit të tij Porto në finalen e Ligës së Kampionëve.“Shpresoj që finalja të jetë Porto-Real Madrid. Unë kam një respekt të madh për ish-bashkëlojtarët e mi”.
“Për mua do të ishte një realizim ëndrre. Pas Real Madridit, e mbështes Porton. Nëse ne nuk e fitojmë, do të doja që ata ta fitojnë”, ka deklaruar portugezi për Antena 1.
Mbretërit do të jenë mysafirë të Manchester Unitedit në ndeshjen e kthimit të 1/8 së finales dhe gjenden në një pozitë jo të lakmueshme, pasi që në Bernabeu barazuan me rezultat 1-1. /Telegrafi/
