Prishtina më në fund i fillon stërvitjet

10:07 / 17.01.2013

Klubi futbollistik i Prishtinës më në fund i ka filluar stërvitjet e rregullta, vetëm pasi klubi pranoi të pagojë një pjesë të pagave të papaguara ndaj lojtarëve.

Pas bojkotit të së enjtes, të premtes dhe të hënës, për shkak të borxhit të kryesisë ndaj futbollistëve, këta të fundit fund kanë pranuar t’i fillojnë përgatitjet.

Ka qenë vetëm paga e nëntorit, e cila i ka bindur lojtarët të nisin stërvitjet, derisa pjesa tjetër e borxhit, paga e dhjetorit dhe një premi në vlerë prej 250 eurove, atyre u është premtuar se do të shlyhet deri më 30 janar.

“Obligimet janë kryer ashtu siç jemi marrë vesh me lojtarët. Ne u kemi premtuar që deri më 30 janar do t’i kryejmë të gjitha obligimet. Deri më tash është kryer vetëm rroga e nëntorit”, tha drejtori i klubit, Sokol Krasniqi, për gazetën Sport./Telegrafi/

 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.