PSG nuk e transferon Sneijderin

23:04 / 10.12.2012

Paris Saint-Germain nuk ka kontaktuar me mesfushorin e Interit, Wesley Sneijder – ka thënë Carlo Ancelotti.

Gazeta franceze L’Equipe ka raportuar se drejtori sportiv i PSG-së, Leonardo (i cili ka qenë edhe trajner i Nerazzurrëve), veçmë ka filluar bisedimet me holandezin e pakënaqur me klubin italian.

“Afati kalimtar dimëror është shumë i qartësuar për klubin tonë. Vjen vetëm Lucas Moura dhe askush tjetër”.

“Sneijder ka kualitet për shumë klube botërore, por kjo nuk do të thotë se vjen te klubi ynë dhe se kemi biseduar me të”.

“Ai nuk do të vijë te PSG. Për këtë mund të jeni të sigurt”, ka thënë strategu italian. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.