PSG nuk është favorit ndaj Valencias
Paris Saint-Germaini nuk është favorit në takimin e të martës mbrëma kundër Valencias, të vlefshëm për 1/8 e finales të Ligës së Kampionëve – ka deklaruar Carlo Ancelotti.Thiago Motta dhe Thiago Silva nuk do të jenë në dispozicion të strategut italian për sfidën që zhvillohet në Mestalla, ndërsa ai thotë se do të ketë një kundërshtar cilësor.
“Nuk mendoj se jemi favoritë për këtë ndeshje, ne luajmë ndaj një skuadre mirë të organizuar dhe që ka lojtarë shumë të mirë”.
“Të dyja ekipet janë në formë të mirë. Mendoj se do të jetë një ndeshje e hapur. Nuk besoj se do të jetë një takim fizik, por taktik”, ka thënë Ancelotti në një konferencë me gazetarë. /Telegrafi/
