Rafael: Goli im më i mirë

14:40 / 24.02.2013

Mbrojtësi i Manchester Unitedit, Rafael da Silva, ka thënë se ai nuk ka shënuar kurrë ndonjë gol më të mirë se atë të fitores ndaj Queens Park Rangers të shtunën.

 “Nuk e mbaj mend të kem shënuar gol më të bukur. Goli ndaj Liverpoolit ishte ndryshe sepse ishte një goditje me efe, por unë nuk mund të kujtoj ndonjë më të mirë se ky. Mendoj se është më i miri”.

”Unë vetëm e pash topin që po vinte në drejtimin tim dhe e godita me aq sa pata fuqi. Mund ta ndjeni në mënyrën se si e goditni topin që ai do të përfundoj në rrjetë. Vetëm shpresova që dikush të mos e devijonte. Ishte gol i bukur”, ka thënë Rafael për MUTV. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.