Ramsey i ngazëllyer që do të luajë në Olimpiadë
Mesfushori i Arsenalit, Aaron Ramsey, është i lumtur që ka arritur të futet në ekipin e Britanisë së Madhe për Lojërat Olimpike.Britania e Madhe fillon kampanjën e tyre kundër Senegalit më 26 gusht dhe po ashtu do të përballet me Emiratet e Bashkuara Arabe dhe Uruguain në fazën e grupeve.
“Jam i ngazëllyer që jam pjesë e saj. Të luaj në Olimpiadë do të jetë një përvojë e shkëlqyeshme dhe mezi pres këtë. Është e drejtë të thuash se kjo mund të jetë një përvojë që vjen një herë në jetë”.
“Nuk kam luajtur nën drejtimin e Stuart Pearce më herët, andaj është diçka që mezi pres ta bëj. Dhe nëse shikoj në lojtarët e skuadrës, mendoj se kemi shumë kualitet”.
“Tash duhet të punojmë së bashku për disa javët e ardhshme dhe të krijojmë një kuptim për njëri-tjetrin. Nëse e bëjmë këtë atëherë jam i sigurt se do t’ia dalim mirë, veçanërisht me avantazhin e të qenit vendas”, ka thënë Ramsey. /Telegrafi/
