Reali shkatërrohet nga Benfica (Video)
Benfica ka argëtuar shikuesit e vet në Estadio Da Luz, duke e fituar trofeun Eusebio me një fitore të thellë me rezultat 5-2 ndaj klubit mbretëror spanjoll dhe kampionit, Real Madridit. Benfica e startoi mirë takimin duke realizuar që në minutën e katërt me Garcian për 1-0. Sidoqoftë, brenda dy minutave dy gola realizoi Jose Callejon i cili e kaloi në epërsi realin për herë të parë dhe të fundit (18’ dhe 20’).
Sidoqoftë, gëzimi në radhët e Los Blancos zgjati vetëm dy minuta pasi, Axel Ëitsel realizoi për 2-2 dhe rezultatin e pjesës së parë.
Në pjesën e dytë Benfica bëri proces të shkurtër me madrilenët. Perez dhe Martines (53’ dhe 58’) shënuan për 4-2, kurse rezultatin përfundimtar të takimit prej 5-2 e vuri përsëri Perez me golin e dytë në takim.
Ishte kjo një miqësore tejet e dobët e Real Madridit, ndërsa një humbje të tillë në përgatitjet parasezonale nuk mbahet mend të ketë pësuar ndonjëherë Jose Mourinho gjatë karrierës së tij me skuadrat e kaluara si Chelsea, Inter dhe Porto. /Telegrafi/
