Rodgers i ngazëllyer me formën e Liverpoolit

9:56 / 14.12.2012

Menaxheri i Liverpoolit, Brendan Rodgers, është i ngazëllyer me progresin e skuadrës së tij në javët e fundit.

Pas fillimit më të keq të sezonit për më shumë se një shekull, kur Redsat u desh të përballen me skuadrat si Arsenal, Manchester City dhe Manchester United, ata kanë marrë veten dhe mund të përfundojnë në top katërshe para fundit të vitit.

“Ju gjithmonë luftoni të keni më shumë dhe t’ia dilni më mirë, por me vendin ku qëndrojnë, pasi kemi përjetuar gjashtë muajt e fundit, jam plotësisht i kënaqur me atë se si kemi evoluar”.

“Ne jemi larg nga ku dua të jemi, sigurisht, por ne kemi treguar se po bëjmë progres të mirë. Duke llogaritur se Liverpooli pati fillim të tmerrshëm, ne tash jemi katër pikë larg top katërshit dhe nëse do të kishim pasur pak më shumë fat do të ishim atje tash”.

“Inkurajimi më i madh është se tash ne vetëm po bëhemi më të mirë. Shpresoj se mund të përfundojmë këtë vit fuqishëm. 2012 ka qenë një vit emocionues për klubin e futbollit, ne duam të përfundojmë sa më lartë”, ka thënë Rodgers. /Telegrafi/

 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.