Roma fiton në borën e Atalantas
Roma ka shënuar fitore të rëndësishme në transfertë te Atalanta me rezultat 3-2, në një ndeshje të zhvilluar nën kushte të vështira atmosferike për shkak të borës së madhe në Bergamo. Ndeshja ishte shumë e mirë nga fillimi me gola, kjo ndoshta edhe për shkak të borës. Marco Livaja e kaloi në epërsi Atalantan për 1-0 pas tetë minutash lojë.
Marquinho u përgjigj për 1-1 (12’), para se Miralem Pjanic të shënonte për 2-1 dhe epërsinë e parë të Romës në këtë takim.
Rezultatin e nivelizoi përsëri kroati Marco Livaja, tani për 2-2 dhe rezultatin e pjesës së parë.
Në pjesën e dytë Torosidis ai që i dha fitoren Romës në minutën e 71-të për 3-2.
Me këtë fitore Roma ka 40 pikë në tabelë dhe është në vendin e tetë, me dy pikë më pak se Catania në vendin e shtatë që e mposhti Parmën në udhëtim. Roma është katër pikë larg vendit të tretë, Milanit. /Telegrafi/
