Ronaldo hesht 'Topat e Artë'
Cristiano Ronaldo ka shënuar hettrik në fitoren me rezutlat 4-0 të Real Madridit ndaj Celta Vigos, që kualifikoi mbretërit në fazën tjetër të Kupës së Mbretit. Që nga momenti i parë, Real Madridi u shfaq tejet i rrezikshëm. Mourinho si zakonisht i zymtë, ndërsa Casillas në portë nuk dukej po ashtu i buzëqeshur.
Sidoqoftë, kjo nuk i pengoi Ronaldos që të thyejë ligjet e fizikës dhe të realizonte një gol që e la të ‘masakruar’ portierin nga bomba nukleare e tij (3’) për 1-0.
Në shprehje Ronaldo erdhi edhe pas 24 minutave lojë, kur pas një pasimi përallor të Luka Modric, ishte Cristiano Ronaldo që doli më së miri në zonë për të shënuar për 2-0 dhe rezultatin e pjesës së parë.
Në pjesën e dytë Reali vazhdoi me lojën ofensive dhe kundërshtarët nuk kanë pasur fare gjasa.
Me kartonin e dytë të verdhë nga loja u largua Sergio Ramos (72’), që nuk ndikoi fare, pasi Ronaldo (87’) e kompletoi hettrikun e tij, përderisa Sami Khedira me një asistim të Ronalods shënoi për 4-0 dhe rezultatin përfundimtar të takimit.
Kështu me rezultat të përgjithshëm 5-2 pas dy ndeshjeve, Real Madridi kualifikohet në cerekfinale të Kupës së Mbretit. /Telegrafi/
