Ronaldo: Me Barcën merremi në LK dhe Kupë
Sulmuesi i Real Madridit, Cristiano Ronaldo, ka deklaruar se për klubin mbretëror sezoni ende është në fillim të tij. Reali është 16 pikë prapa Barcelonës në La Liga, por Ronaldo ndjen se në Kupën e Mbretit dhe në Ligën e Kampionëve Los Blancos kanë edhe disa hesape të pasqaruara me Barcelonën.
“Ne kemi edhe shumë për të fituar këtë vit. Ne jemi ende në Kupë dhe në Ligën e Kampionëve. Ne jemi duke bërë mirë”.
“Unë dua të luaj, kjo është ajo që dua të bëj, dua t’i ndihmoj këtij ekipi që të arrijmë synimet tona, që janë Kupa e Mbretit dhe Liga e Kampionëve, gara këto ku kemi ende gjëra të pasqaruara me Barcelonën, e cila ka në dorë La Ligën”, ka potencuar Ronaldo. /Telegrafi/
