Roura: Barca nuk është favorit

23:39 / 19.02.2013

Asistent-trajneri i Barcelonës, Jordi Roura, mendon se skuadra e tij dhe Milani kanë gjasa të barabarta për t’u kualifikuar në çerekfinale të Ligës së Kampionëve.

Secila skuadër që del përballë Blaugranëve, menjëherë etiketohet si viktimë duke marrë parasysh futbollin e jashtëzakonshëm që zhvillojnë katalunasit në vitet e fundit, megjithatë njeriu që do ta zëvendësojë Tito Vilanovan mendon ndryshe.

“A është Barcelona favorit? Ju e dini mendimin tim. Milani është një skuadër e shkëlqyer dhe nuk është lehtë të luash ndaj tyre”.

“Kualifikimi do të vendoset në Barcelonë. Nuk mund të flasësh për favoritë në ndeshje të këtilla”, ka deklaruar 45-vjeçari në një konferencë për media. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.