Roura: Fitojmë edhe pa Vilanovan

12:11 / 23.12.2012

Trajneri i Barcelonës, Tito Vilanova po përmirësohet dukshëm dhe kjo ka sjellur kënaqësi në zhveshtoren e Barcelonës, ka zbuluar zëvëndëstrajneri Jordi Roura.

 Vilanova zëvëndësoi Guardiolën dhe që nga ajo kohë, në La Liga Barcelona ka 16 fitore dhe vetëm një barazim, ndërsa forma e mirë vazhdoi edhe pa Vilanovan, i cili pas fitores edhe u lëshua nga spitali ku u trajtua pas operacionit për tumorin në gjëndrën e veshit.

“Nga ana e futbollit, asgjë nuk ka ndryshuar, sepse natyrisht në mënyrë emocionale kanë qenë ditë të vështira. Ne kemi dëgjuar se Tito u lirua nga spitali në momentin që kemi qenë në zhveshtore. Natyrisht, kishte kënaqësi të madhe në stafin tonë pas këtij lajmi dhe kështu edhe fituam”, ka potencuar Roura. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.