Roura: Shpresoj që arbitri të mos e shkatërrojë ‘el Clasicon’
Zëvendës-trajneri i Barcelonës, Jordi Roura, ka kërkuar nga arbitrat që të jenë “të padukshëm” në ndeshjen kthyese gjysmëfinale të Kupës së Mbretit, mes skuadrës së tij dhe Real Madridit që zhvillohet të martën mbrëma në Camp Nou.Këtë ‘el Clasico’ do ta drejtojë arbitri Alberto Undiano Mallecano, i cili ndau drejtësinë edhe në finalen e vitit 2011 mes dy rivalëve të përbetuar (të cilën e fitoi Reali me rezultat 1-0).
“Statistikat nuk janë të mira (me Undianon). Ende kujtojmë se ai lejoi shumë ndërhyrje në finalen e kupës. Shpresojmë që vendimet e tij të mos ndikojnë në ndeshje dhe të kalojnë pa u vërejtur”.
“Secili ‘Clasico’ është i tensionuar, i vështirë. Por shpresojmë që nuk do t’u ikë nga duart (gjyqtarëve) dhe do të qëndrojë në kufijtë sportivë”, u ka thënë Roura gazetarëve. /Telegrafi/
