Sacchi: Allegri duhet të qëndrojë
Legjenda e Milanit, Arrigo Sacchi, ka thënë se klubi duhet të mos e shkarkojë Massimiliano Allegrin, përkundër rezultateve zhgënjyese.
“Milani ka qenë i kënaqur me Allegrin, duke parë se ka vendosur ta mbajë këtë verë. Si rezultat, ata duhet të shkojnë deri në fund me trajnerin e tyre”.
“Një trajner nuk është magjistar e as Zot. Ai së pari duhet t’i ketë lojtarët që janë funksional për projektin e tij. Por, këto ditë, trajnerët shkojnë nëpër klube dhe u ofrohen transfere të cilat nuk u përshtaten nevojave të tij”, është shprehur Sacchi.
