Sahin: Po kthehem në formë
Mesfushori i Borussia Dortmundit, Nuri Sahin, beson se ka filluar të rikthehet në formën e dikurshme prej se është kthyer te ekipi gjerman.
Mesfushori turk shënoi dy herë në ndeshjen kundër Freiburgut të dielën, ku ekipi i tij realizoi një fitore të lartë, 5-1.
“Mendoj se jam duke u përmirësuar pak e nga pak prej se jam kthyer te Dortmund, gjithashtu edhe në stërvitje. Tani vetëbesimi po më kthehet dhe jam më komfort me lojën time”.
“Loja ime ka të bëjë me rreziqe dhe unë jam i lejuar ta bëjë atë këtu. Trajneri jo vetëm që ma lejon këtë, por ai ma kërkon këtë. Ky lloj besimi nga trajneri më ndihmon mua dhe lojën time shumë”, ka thënë Sahin. /Telegrafi/
