Schalke në kërkim të Van der Vaart
Trajneri i Schalkes, Huub Stevens, ka konfirmuar se klubi i tij është në bisedime me agjentin e Rafael van der Vaart për transferimin e mesfushorit të Tottenhamit në Bundesliga.“Kualitetet e tij janë të jashtëzakonshme. Schalke nuk do t’i thotë jo Van der Vaartit”.
“Unë e njoh atë nga qëndrimi i përbashkët në Hamburg dhe do të dëshiroja t’i bashkoj sërish forcat me të. Ne jemi në kontakt me agjentin e tij”.
“Nuk e di nëse Raf mendon për një kthim në Gjermani. Ende nuk kam folur me të, sepse ai është i përqendruar në Evropian”, ka thënë Stevens për Voetbal International. /Telegrafi/
