Shaqiri: Mos më krahasoni me Ribery
Mesfushori i Bayern Munichut, Xherdan Shaqiri, e ka bërë të qartë se nuk i pëlqen ta krahasojnë me bashkëlojtarin e tij, Franck Ribery.Futbollisti zviceran me prejardhje nga Kosova konsiderohet si zëvendësues i francezit në të ardhmen, mirëpo 21-vjeçarit i pëlqen që të zhvillojë stilin e vet të lojës.
“Në fushë, mund të mësoj shumë nga ai. Paparashikueshmëria e tij është unike. Më pëlqen shumë kjo cilësi”.
“Por, në përgjithësi, nuk më pëlqen që të më krahasojnë me të tjerët. Unë jam vetvetja dhe nuk jam Ribery apo dikush tjetër”, ka sqaruar Shaqiri për Bild. /Telegrafi/
