Sneijder: Emocionues rikthimi në Madrid
Mesfushori i Galatasarayt, Wesley Sneijder, ka thënë se rikthimi i tij në Madrid, ku ka luajtur më parë për Real Madridin do të jetë mjaft emocionues për të. Sneijder ishte lojtar i Real Madridit nga viti 2007 deri në vitin 2009, para se të largohej nga Bernabeu për të shkuar te Interi.
“Ky është short i vështirë, por është i mrekullueshëm në nivelin emocional”.
“Unë isha me fat që e fitova La Ligan në sezonin e parë me Real Madridin dhe kam ende ndjenja për Jose Mourinhon, me të cilin jam ende në kontakt të vazhdueshëm. Mourinho është shumë i rëndësishëm për mua, sepse unë e fitova Ligën e Kampionëve falë tij”.
“Real Madridi është favorit, por ne do të tentojmë t’ua vështirësojmë punët sa më shumë që është e mundur. Ne mund ta bëjmë ndoshta befasinë”, është shprehur Sneijder. /Telegrafi/
