Sneijder: Interi nuk më la të shkoja te Unitedi
Mesfushori i Galatasarayt, Wesley Sneijder, ka treguar se Interi e kishte bllokuar kalimin e tij te Manchester Unitedi në vitin 2010.“Kemi biseduar me Alex Fergusonin në vitin 2010. Ata (Unitedi) kontaktuan me klubin pas sezonit të ‘tripletës’, mirëpo u kërkuan shumë para (nga Interi). Por edhe unë isha i lumtur te Interi dhe vendosa të qëndroj”.
“Manchester Unitedi është një klub fantastik që vazhdoi të tregojë interes edhe më pas, mirëpo jo me aq vendosmëri si në fillim”, ka deklaruar 28-vjeçari për Galatasaray Dergisi.
Pas spekulimeve të shumta rreth të ardhmes së tij, holandezi në janar të këtij viti kaloi te gjiganti turk. /Telegrafi/
