Stinori pranveror në futboll do të fillojë në mars

12:56 / 9.01.2013

Komiteti Ekzekutiv i Federatës së Futbollit të Kosovës në takim që zhvilloi të martën me 8 janar, vendosi që garat në stinorin pranveror të nisin në mars.

Komiteti Ekzekutiv i FFK-së ka mbajtur mbledhjen e vet të radhës nën drejtimin e kryetarit Fadil Vokrri, ku u debatuan për shumë çështje me rëndësi për futbollin e Kosovës.

KE miratoi raportin e Komisionit për shpalljen e laureatëve të vitit 2012. Gjithashtu shqyrtoi edhe përgatitjet për fillimin e stinorit pranveror dhe mori vendimi që garat në stinorin pranveror të nisin më 2 mars me ndeshjet e rrethit të radhës të Kupës së Kosovës, ndërsa ato kampionale më 9 mars.

Po ashtu KE edhe një herë ka debatuar për vendimin e fundit të FIFA-s duke u zotuar se do të vazhdojë angazhimet me ngulm, duke i bashkërenditur veprimet me të gjithë faktorët relevant në Kosovë dhe duke përdorur të gjitha mjetet e nevojshme dhe ligjore për të arritur synimet. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.