Terim: Klubi më i madh se Sneijderi
Trajneri i Galatasarayt, Fatih Terim, ia ka tërhequr vërejtjen mesfushorit Wesley Sneijder që të mos vijë fare në Stamboll nëse mendon se është më i madh se sa klubi turk. Interi kishte arritur marrëveshje me Galatasarayn dhe ka mbetur që Sneijder të pranojë ofertën.
“Askush nuk duhet të mendojë se është më i madh se sa klubi. As unë, as presidenti, as askush tjetër që vjen në afatin kalimtar veror”.
“Ne nuk duam të transferojmë lojtarë që janë më të rëndësishëm se Galatasaray. Ky është prej principeve kryesore të klubit dhe nuk ka nevojë të debatohet”, është shprehur Terim. /Telegrafi/
