Tifozi i Cityt i kërkon falje Ferdinandit (Video)

23:31 / 10.12.2012

Tifozi i Manchester Cityt, i cili hyri në fushë gjatë derbit ndaj Manchester Unitedit për ta sulmuar fizikisht Rio Ferdinandin, ka kërkuar falje për veprimin e tij.

Në ndeshjen dramatike të të dielës, Djajtë e Kuq fituan me rezultat 3-2, për t’u shmangur gjashtë pikë në krye të tabelës.

Derisa e festonte golin e fitores, mbrojtësi anglez fillimisht u godit me një monedhë, ndërsa më pas hyri në fushë tifozi 21-vjeçar i quajtur Matthew Stott, të cilin në përpjekje për ta sulmuar Ferdinandin e ndali portieri vendas, Joe Hart.

“Dua t’u kërkoj falje të gjithë atyre që janë prekur nga veprimi im në ndeshje, e sidomos zotëri Ferdinandit dhe lojtarëve të tjerë. Më vjen jashtëzakonisht turp për këtë akt. E kam tradhtuar veten, familjen dhe klubin tim, Manchester City”, ka deklaruar tifozi. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.