Tovërlani u jep kohë ekipeve tjera

16:07 / 16.01.2013

Trajneri i FC Prishtinës, Afrim Tovërlani, thotë se ai do të arrijë t’i përgatisë lojtarët e tij më mirë se të gjitha klubet tjera të Superligës së Kosovës, edhe pse ata do t’i fillojnë stërvitjet më vonë prej të gjithëve.

Bardhekaltrit duhej t’i fillonin stërvitjet të hënën, por e shtynë fillimin e tyre duke u arsyetuar se mungojnë kushtet elementare për lojtarët, si rryma e uji. Ndërsa, ekipet tjera të Raiffeisen Superligës së Kosovës tashmë i kanë filluar stërvitjet e rregullta.

“Jo nuk shqetësohem se jemi vonë. Unë ju jap ‘fore’ të gjitha klubeve që dy javë para meje t’i nisin stërvitjet, dhe do të jem unë ai që do të arrij t’i përgatis lojtarët e mi më mirë se të gjithë".

“Në këtë mot të ftohët të vendosësh t’i stërvitësh lojtarët ku mungon uji dhe rryma është e pamundur. Unë nuk dua të rrezikoj që lojtarët e mi të ftohen për këtë edhe vendosëm që të shtyjmë për dy ditë tjera nisjen e stërvitjeve", ka thënë Tovërlani për Zëri. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.