Transferët e ri të Cityt kanë nevojë për kohë
Menaxheri i Manchester Cityt, Roberto Mancini, mendon se transferimet e reja kanë nevojë për kohë në mënyrë që të integrohen në skuadrën e tij.Kampioni i Anglisë nuk e ka filluar edhe aq mirë sezonin e ri, duke humbur gjashtë pikë në pesë ndeshjet e para, ndërsa trajneri mendon se lojtarët e porsaardhur janë një pjesë e problemit.
“Kemi marrë lojtarë vetëm në dy apo tri ditët e fundit të afatit kalimtar dhe ndoshta këta lojtarë nuk i njohin mirë bashkëlojtarët e tyre dhe u duhet kohë”.
“Viti i dytë pas fitimit të kampionatit është gjithmonë i vështirë dhe shpresoj që të fillojmë të fitojmë në ndeshjen e ardhshme kampionale, sepse na duhet një fitore”.
“Por ne duhet të përmirësohemi nëse duam ta bëjmë këtë”, ka theksuar italiani për Daily Mirror. /Telegrafi/
