Trepca 89 ka nevojë për një sulmues

9:54 / 4.01.2013

Trajneri i Trepçës ’89, Gani Sejdiu, ka thënë se skuadrës së tij i duhet një sulmues dhe pohon se është i kënaqur me transferimin e mëhershëm të Taulant Dajakut.

Mitrovicasit pjesën e parë të garave e mbyllën në pozitën e dytë me gjithsej 30 pikë, katër më pak se lideri i tabelës, Prishtina.

“Kryesia e klubit ende nuk është mbledhur për të biseduar rreth transferimeve në klub. Realisht skuadrës i duhet edhe një sulmues. Me transferimin e Taulant Dajakut ne e kemi forcuar mjaft mirë mesfushën, por kemi nevojë që ta forcojmë edhe repartin e sulmit”, ka thënë për KosovaPress, Sejdiu.

“Ne shumë shpjet do të kemi mbledhjen e kryesisë, ku edhe do të vendosim nëse do të sjellim një sulmues. Mendoj se me transferimin e mundshëm të një sulmuesi, atëherë ne do të kompakt për pjesën e dytë të garave”, përfundoi ai./Telegrafi/

 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.