Trepça e kthen Milanovskin

16:28 / 12.02.2013

Kampioni aktual i Kosovës në basketboll, Trepça, ka konfirmuar se e ka kthyer në skuadër basketbollistin maqedonas, Daniel Milanovski.

 Lajmin për Kornerin e konfirmoi menaxheri i klubit nga Mitrovica, Lenart Vidishiqi, i cili tha se marrëveshja është arritur mbrëmjen e kaluar.

Edicionin e kaluar Milanovski shfaqi paraqitje të mirë, por zyrtarët e Trepçës e larguan për shkak të mbushjes së vendeve për ekstrakomunitarët.

Pas largimit te Kinneyt, kthimi i Milanovskit përbën lajm të mirë për Trepçën që po tenton të kthehet në luftën për titull të kampionit në BKT Superligën e Basketbollit. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.