Trepça me tre futbollistë të rinj

13:52 / 16.02.2013

Mesfushorët Daut Maxhuni e Armend Ibrahimi, si dhe sulmuesi Xhevdet Mulliqi karrierën si futbollistë do ta vazhdojnë te skuadra e Trepçës. Të tre lojtarët kanë arritur marrëveshje me ekipin nga Mitrovica, ka njoftuar trajneri i Trepçës, Fidaim Haxhiu.

Të tre lojtarët së fundi ishin pjesë e Llamkos Kosovës. Haxhiu tha se në bisedime është edhe me mbrojtësin Fitim Llapashtica. Përpos këtyre lojtarëve, ekipi nga Mitrovica gjatë janarit u përforcua edhe me Granit Canën, Amir Prishtinën, Arnold Vokrrin e Kushtrim Dobrën.

"Të tre lojtarët do të jenë pjesë jona, pasi kemi gjetur gjuhë të përbashkët me Llamkos Kosovën për t'i liruar futbollistët. Jam shumë i kënaqur me përforcimet që kemi bërë gjatë janarit. Ka gjasa që mund të arrijmë marrëveshje edhe me Fitim Llapashticën", ka thënë Haxhiu për Kohën Ditore.

Trepça stinorin vjeshtor e mbylli në pozitën e tretë me 30 pikë, katër më pak se kryesuesja Prishtina./Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.