United afër transferimit të Zaha

10:25 / 10.01.2013

Manchester United raportohet se është afër për të nënshkruar me anësorin e Crystal Palace, Wilfried Zaha, për një shumë rreth 12 milionë funte.

Daily Mail shkruan se United ka zhvilluar biseda me Palace për një marrëveshje dhe, edhe pse oferta fillestare e Djajve të Kuq është dukshëm më e ulët se sa kërkon klubi i divizionit të dytë, ata kanë marrë inkurajime për t’u rikthyer me një ofertë të re.

Palace ka kërkuar 20 milionë funte për lojtarin 20-vjeçar, por mësohet se ata nuk do të fitojnë aq shumë. Marrëveshja pritet të mbyllet për një shumë prej 12 milionë funtesh, me disa shtesa në varësi të paraqitjeve të lojtarit.

United po ashtu është i hapur për ta lejuar Zahan të qëndrojë te Palace në formë huazimi deri në fund të sezonit. Për lojtarin të interesuar kanë qenë edhe Tottenham dhe Arsenal. /Telegrafi/

 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.