United forcon kryesimin
Manchester United vazhdon të dominojë në Grupin H. Pas tri ndeshjesh, Djajtë e Kuq numërojnë tri fitore. Këtë herë, Braga ishte viktima e tyre që u mposht me rezultat 3-2.Edhe pse u gjetën në disavntazh të dyfishtë pas golave të Alan (2 dhe 20’), vendasit arritën të kthehen dhe ta fitojnë ndeshjen.
Fillimisht Hernandez e ngushtoi epërsinë (25’) dhe me këtë rezultat përfundoi pjesa e parë.
Në gjysmën e dytë, Evans e barazoi rezultatin (62’), ndërsa me golin e dytë personal, Hernandez i solli tri pikë të reja për Djajtë e Kuq (75’).
Takimi tjetër i këtij grupi ndërmjet Galatasarayt dhe CFR Cluj përfundoi me rezultat 1-1.
Pas tri xhirosh, Manchester United kryeson me nëntë pikë, ndërsa CFR Cluj ka katër pikë në vend të dytë. /Telegrafi/
