Van Basten: Barca, më e mira në histori
Legjenda holandeze, Marco van Basten, beson se ekipi i Pep Guardiolës i katër viteve të fundit ka qenë superior për ekipin e Milanit të Arrigo Sacchit. Rossonerët e viteve 80-90 ishin cilësuar si më të mirët në histori, ndërsa kështu nuk mendon Van Basten, i cili vet ishte pjesë e këtij ekipi legjenda.
“Është shumë e thjeshtë. Barca është ekipi më i mirë në histori të futbollit. Thjesht mbledhni ekipet më të mira në histori dhe krahasoni rezultatet. As ne nuk i kemi arritur këto rezultate”.
“Fuqia e tyre është se ata janë profesionistë. Ata jetojnë për futbollin, kjo është ajo që i motivon, e jo statusi i të qenurit fytyrë publike. Ruud Gullit ishte lojtar i madh, por edhe një yll. Xavi është lojtar i madh, por përpos kësaj, atij i pëlqen të jetë me familjen e tij. Lionel Messi dhe Andres Iniesta janë të njëjtë”.
“Ndoshta i vetmi që ka dëshirë të jetë në qendër të vëmendjes është Gerard Pique. Të gjithë të tjerëve u intereson vetëm futbolli. Ky është çelësi pse ata janë në një nivel aq të lartë për aq shumë vite”, ka deklaruar Van Basten për L’Equipe. /Telegrafi/
