Van Gaal: Shaarawy më i mirë se Balotelli
Përzgjedhësi i Holandës në futboll, Louis van Gaal, ka paralajmëruar se skuadra e tij nuk mund të fokusohet vetëm në Mario Balotellin në miqësoren e sotme përballë Italisë, pasi mendon se Stephan El Shaarawy është një kërcënim edhe më i madh.“Balotelli është një sulmues i shkëlqyeshëm. Mënyra se si i gjithë ekipi gjithmonë përpiqet ta arrijë atë është dëshmi për këtë. Ai vështirë humb topin”.
“Megjithatë, ne duhet të jemi të kujdesshëm. El Shaarawy mbase është një kërcënim më i madh se Balotelli”, ka thënë holandezi në konferencën për media.
Ndeshja e sotme zhvillohet në stadiumin e Ajaxit, Amsterdam ArenA, me fillim nga ora 20:30. /Telegrafi/
