Walcott: Duhet të besojmë në kualifikim

17:22 / 20.02.2013

Sulmuesi anglez, Theo Walcott, ka pranuar se humbja nga Bayerni i Munichut me rezultat 3-1 është një goditje e madhe për klubin londinez, por ka shprehur besimin e tij për një rikthim sensacional në Allianz Arena.

Golat si mysafir nga Kroos, Muller dhe Mandzukic e kanë lënë Arsenalin pa shpresa për ndeshjen kthyese, mirëpo është anësori anglez ai që ka bërë thirrje për besim.

“Ne duhet të jemi realist dhe të themi se do të jetë shumë e vështirë që të kualifikohemi tutje. Bayerni është shumë i fortë në shtëpi, ne duhet që të shënojmë tri gola dhe ne mund ta bëjmë këtë nëse punojmë shumë dhe tregojmë atë që bëmë në pjesën e dytë”.

“Shpresoj se njerëzit nuk do të zhgënjehen shumë nga ky rezultat, mendoj se ne duhet që të kthehemi në luftë për kualifikim. Ne duhet që të arrijmë rezultate pozitive në Ligën Premier dhe të besojmë përsëri për një ngritje në tabelë dhe kualifikim”, ka thënë Walcott.

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.